សំពៅមាស.ពស៖ គណៈប្រតិភូ Beef4Market (ក្រុមទី១)បាន ចុះពិនិត្យទីតាំង កសិករ ដែលនឹង ចូលរួមក្នុងគម្រោង ដាំដំណាំ ចំណីសត្វ នៅឃុំរលាប ស្រុកសំពៅមាស ខេត្តពោធិ៍សាត់ ។

បន្ទាប់ពីបំពេញទស្សនកិច្ចសិក្សានៅការិយាល័យផលិតកម្ម និង បសុព្យាបាលខេត្តអស់រយៈពេល​ជិត១ម៉ោង ក្រុមការងារ ទី១នៃ គម្រោង Beef4Market ដោយមានលោក គង់ រាត្រី អនុប្រធានមន្ទីរ​កសិកម្ម ខេត្តពោធិ៍សាត់ បានជូន គណៈប្រតិភូទៅធ្វើទស្សនកិច្ចសិក្សាគម្រោង នៅឃុំរលាប និងចំរើនផល​ ក្នុងស្រុកសំពៅមាស ខេត្តពោធិ៍សាត់ នៅថ្ងៃទី២២ ខែមករា ឆ្នាំ២០១៣  ។

គួរបញ្ជាក់ថា សកម្មភាពរបស់គណៈប្រតិភូក្រុមទី១ ដែលមកបំពេញទស្សនកិច្ចសិក្សានៅឃុំរលាប ក្នុងទឹកដីភូមិសាស្រ្តខាងលើ មានការ​អញ្ជើញចូលរួម៖ លោក សៀង សុជាតិ​(មកពីអូស្រ្តាលី), លោក សុខ ខេង (នាយកដ្ឋានផលិតកម្ម និងបសុព្យាបាល), លោក មុន្នីរ័ត្ន ។

ពិសេស មានការអញ្ជើញចូលរួមពីសំណាក់លោក ឡែន ប៉ាទ្រីក អ្នកដឹកនាំកម្មវិធីជាន់ខ្ពស់ និងលោក ជែមស៏ ផងដែរ ។
នៅក្នុងពេលបំពេញទស្សនកិច្ចនេះដែរ ក៏មានការចូលរួមពីអាជ្ញាធរដែនដី ភ្នាក់ងារសុខភាពសត្វភូមិ កសិករត្រៀមចូលរួមក្នុងកម្មវិធី ។

លើសពីនេះ ក៏មានការចូលរួមពីមន្រ្តីថ្នាក់ខេត្តផលិតកម្ម និងបសុព្យាបាល ក្នុងនោះមាន៖ លោក ផាត់ សារុន ប្រធានការិយាល័យផលិតកម្ម និងបសុព្យាបាលស្តីទី លោក ម៉ៅ បុប្ផាមករា ជំនួយ​ការកម្មវិធី (ទទួលបន្ទុកប្លក់ផងដែរ) លោក សោម វឿន ផ្នែកផលិតកម្ម (សិប្បនិម្មិត) និងមន្រ្តីការិយាល័យខេត្ត ស្រុក មួយចំនួនទៀត ។

ទាំងនេះជាសកម្មភាពនៃការចុះបំពេញទស្សនកិច្ចរបស់ក្រុមទី១ នៅក្នុងទឹកដីខេត្តពោធិ៍សាត់ ៕