ពោធិ៍សាត់ៈ គិតចាប់ពីថ្ងៃទី២១ រហូដល់ថ្ងៃទី២៦ ខែធ្នូ ឆ្នាំ២០១២កន្លងមកនេះ ការិយាល័យផលិ​កម្ម និងបសុព្យាបាល និងមន្ទីរហិរញ្ញវត្ថុខេត្ត រួមទាំងស្ថាប័នពាក់ព័ន្ធបានចូលរួមផ្សព្វផ្សាយការប្រមូល​ភាស៊ី​សត្តឃាតដ្ឋានថ្មីឆ្នាំ២០១៣ ។


ដំណើរការនៃការផ្សព្វផ្សាយបានធ្វើឡើងចំនួន៦កនែ្លង (ក្រុងមួយ និងស្រុកចំនួន៥) ។ ក្នុងនោះនៅថ្ងៃទី២១ ខែធ្នូ ឆ្នាំ២០១២ ការិយាល័យផលិតកម្មនិងបសុព្យាបាល រួមជាមួយមន្ទីរ​ហិរញ្ញវត្ថុ​​ខេត្ត ស្ថាប័នពាក់ព័ន្ធបានធ្វើការផ្សព្វផ្សាយការប្រមូលភាស៊ីសត្តឃាដដ្ឋាន​ថ្មីនៅស្រុក​វាលវែង ។

.នៅថ្ងែទី២៤ ខែធ្នូ ឆ្នាំ២០១២ នៅមន្ទីរកសិកម្មខេត្តពោធិ៍សាត់ ។​
.នៅថ្ងៃទី២៥ ខែធ្នូ ឆ្នាំ២០១២បានធ្វើ ឡើងនៅស្រុកបាកាន និងស្រុកក្រគរ ។
.ការផ្សព្វផ្សាយនៅក្នុងស្រុក​កណ្តៀង បានធ្វើឡើងកាលពីថ្ងៃទី២៦ និងនៅស្រុកភ្នំក្រវ៉ាញ ។

នៅក្នុងដំណើរការផ្សព្វផ្សាយការប្រមូលភាស៊ីនោះដែរ គឺមានការចូលរួមជាអធិបតីរបស់ លោក គង់ រាត្រី អនុប្រធានមន្ទីរកសិកម្មខេត្តពោធិ៍សាត់, តំណាងសាលាខេត្តពោធិ៍សាត់, លោក​​ សូ សុខយ៉ុន អនុប្រធានមន្ទីរហិរញ្ញវត្ថុខេត្ត, លោក ផាត់​ សារុន អនុប្រធានការិយាល័យ​ផលិតកម្ម និង​បសុព្យាបាល  ខេត្តពោធិ៍សាត់ ស្ថានប័នពាក់ពាក់ ក្នុងនោះមានអាជ្ញាធរដែនដីគ្រប់ស្រុកទាំង៥ និងក្រុង រួមទាំងមន្ត្រីរាជការក្រោមឳវាទ និងក្រុមអាជីវករពិឃាតសត្វនៅតាមបណ្តាស្រុកទាំង៥ និងក្រុងពោធិ៍សាត់ ចូលរួមផងដែរ ៕